केंद्र शासनाच्या कॉरिडॉर प्रकल्पात नाशिकचा समावेश - अजीज खान
नाशिक, ता. ४ - केंद्र शासनाच्या दिल्ली- मुंबई कॉरिडॉर प्रकल्पांतर्गत जिल्ह्यातील नाशिक, सिन्नर आणि इगतपुरीचा समावेश करण्यात आला असून, याठिकाणी पायाभूत सुविधा देण्यासाठी प्राधान्य देण्यात येणार असल्याची माहिती उद्योग मंत्रालयाचे प्रधान सचिव अजीज खान यांनी दिली.

शिवसैनिक हाच एकमेव प्रभावी उमेदवार असेल - देशमुख
सिन्नर, ता. ४ - शिवसेना- भारतीय जनता पक्ष हा सिन्नर तालुक्‍यातील एकमेव पक्ष आहे. या पक्षांच्या उमेदवारांकडे ४० हजारांवर पॉकेट मते आहेत.

युती समर्थक सदस्य अज्ञात स्थळी रवाना
नाशिक, ता. ४ - महापालिकेच्या स्थायी समिती सभापतिपदाच्या हालचाली गतिमान झाल्या असून, युतीचे आठ सदस्य अज्ञात स्थळी रवाना झाले.

दिवसभर रिपरिप सुरूच
नाशिक, ता. ४ - शहरासह जिल्ह्यातील काही भागांत आजही पावसाने हजेरी लावली. शेतकऱ्यांनी खरीप पेरण्यांना सुरवात केली आहे. त्यामुळे खते, बी-बियाणे आणि अन्य पूरक शेतीसामग्री घेण्यासाठी शेतकऱ्यांची बाजारात गर्दी होत आहे.

स्थायी समितीच्या उमेदवारीचे कवित्व सुरूच - उत्तमराव कांबळे
नाशिक, ता.४ - महापालिकेच्या स्थायी समितीच्या उमेदवारीवरून सुरू झालेले वादंग सुरूच असून, कॉंग्रेसच्या पदाधिकाऱ्यांवर गैरव्यवहाराचे आरोप करणाऱ्या अण्णा पाटील यांच्यासंदर्भात विरोधी पक्षनेते उत्तमराव कांबळे आणि शिवाजी गांगुर्डे उद्या (ता. ५) प्रदेशाध्यक्षा प्रभा राव यांना भेटणार आहेत.

सर्वपक्षीय बैठकीवर चारही सभापतींचा बहिष्कार
नाशिक, ता. ४ - जिल्हा परिषदेच्या सर्वपक्षीय बैठकीवर आज चारही सभापतींनी बहिष्कार टाकल्याने या बैठकीची हवाच निघून गेली.

बचतगटाच्या माध्यमातून फसवणूक केल्याचा आरोप
पवननगर ता. ४ - उत्तमनगर परिसरात बचतगटाच्या माध्यमातून महिलांकडून पैसे घेऊन एका महिलेने मोठी फसवणूक केल्याची तक्रार परिसरातील महिलांनी अंबड पोलिसांकडे आज केली. संशयित महिलेस काल काही महिलांनी मारहाणही केल्याचे सांगितले जाते.

मृत जनावरे जाळण्यासाठी नवी भट्टी खरेदीची तयारी
नाशिक, ता. ४ - शहरातील मृत जनावरे जाळण्यासाठी महापालिकेने सुमारे पाच वर्षांपूर्वी खरेदी केलेले १२ लाख रुपयांचे इन्सिनरेटर वापराविना पडून असतानाच महापालिकेने आता थेट सव्वा कोटी रुपयांचे नवे इन्सिनरेटर खरेदीची तयारी केली असल्याने आश्‍चर्य व्यक्त होत आहे.